Wert pretende privatizar a universidade e transferir os custes ao alumnado e ás súas familias.-

wertincreduloO xornal EL PAÍS adianta, na súa edición de hoxe, o contido do Informe do Consello de Estado ao Real Decreto que pretende levar adiante o goberno para alterar a actual “arquitectura” do Sistema Universitario. Atopámonos cunha nova imposición do ministro Wert en contra do sentido común, da opinión da Conferencia de Rectores e do propio Informe do Consello de Estado.

Wert pretende que sexan as propias universidades as que determinen libremente a duración para os graos e másters universitarios. No seu día, acordouse que o modelo prevalente de Grao e Máster fora o chamado 4+1, ou sexa, catro anos para acadar a titulación de grao e un ano para o máster. Hai excepcións ao sistema, por exemplo Medicina e outras titulacións que afectan básicamente ás profesións reguladas. Co Real Decreto que agora quere levar adiante, Wert pretende que sexa cada universidade quen decida se a duración de grao e máster segue a ser a actual (4+1) ou ben cambian para a modalidade 3+2, tres anos de grao e dous de máster.

O Consello de Estado, según informa EL PAÍS, “afea” ao ministro as présas coas que pretende impor estes cambios. Mesmo indícalle que o propio ministerio sinala no expediente “que é prematuro establecer un diagnóstico sobre os resultados e rendimento do sistema 4+1″. Por certo, o mesmo que indican dende a Conferencia de Rectores, que consideran máis acaído realizar unha avaliación do funcionamento do actual sistema antes de pensar en cambialo.

Certo é que no seu día non se acadou unha decisión de forma unánime e que había voces discrepantes acerca das bondades dun e doutro modelo. Certo tamén que apertura dun debate serio sobre o actual modelo pode ser un elemento desexable e beneficioso para o sistema, pero que necesariamente debe implicar a realización de informes, estudios, e análises rigorosas cos que o ministerio nin conta, nin semella querer contar.

Mais abramos os ollos. Que hai verdadeiramente detrás desta decisión do ministro? Por que tanta présa? Pois, ao meu modo de ver, non hai ningunha razón que teña que ver coa optimización do noso modelo universitario público e sí cuestións tales como:

  • Seguir favorecendo ás universidades privadas que, sen dúbida, serán as primeiras en ofertar graos de menor duración, abaratando custes e acercando os seus prezos aos das universidades públicas. Ou sexa, avanzar sen demora cara a unha forte privatización do sistema universitario.
  • Un importante aforro económico para a administración. Os grandes recortes efectuados en educación deixaron ás universidades públicas moi por debaixo dos niveis mínimos de suficiencia económica, pois ben, a fórmula para compensar esta situación non será revertir os recortes, senón minguar nun ano a duración das carreiras.
  • Ese aforro que supón para a administración a redución dun ano no grao, terán que pagalo o alumnado e as súas familias co sobrecuste que terán que asumir para acadar un máster dun ano máis de duración.

Por certo, os que tanto falaban e falaban da necesaria homoxeneización de España son os mesmos que xa permitiron subas indiscriminadas nas taxas universitarias en función dos intereses e necesidades de cada autonomía, e agora pretenden que idénticas titulacións de grao poidan ter duracións diferentes deixando ao albur de cada universidade a decisión final.

Deixo aquí o enlace ao artigo do xornal EL PAÍS.-

O Consello de Estado afea a Wert as présas no seu gran plan universitario

currículo de ESO e Bacharelato: COPIADE MALDITOS!.- cinismo de Rajoy e Wert en vea.

CURRICULO ESO+BAC

(premer na imaxe para acceder ao texto do BOE)

Hoxe, un sábado 3 de enero, en plenas vacacións e a piques de chegar os Reis Magos, Rajoy e Wert anticipan o seu “agasallo” e hoxe publican no Boletín Oficial do Estado o Real Decreto 1105/2014, de 26 de dicembro, polo que se estabrece o currículo básico da Educación Secundaria Obrigatoria e do Bacharelato.

Un Real decreto aprobado a toda velocidade e, por suposto, sen pretender chegar a ningún tipo de acordos. Unha fórmula totalmente coherente co devenir do goberno de Mariano Rajoy en materia educativa e co modo de proceder do Partido Popular.

A estratexia de Rajoy e Wert é a de conseguir a máxima rapidez na implantación total da LOMCE con obxecto de dificultar o máximo posible a súa derogación, comprometida pola abrumadora maioría dos partidos da cámara (PSOE, CiU, PNV, IU, ICV, CHA, ERC, BNG, CC, Amaiur, GB, Compromís, Equo, coido que non se me esquece ningún) en canto o Partido Popular perda a maioría absoluta.

Rajoy e Wert non queren entender que a LOMCE leva gravada no seu ADN a súa data de caducidade, porque como ben afirmaba Rubalcaba hai uns días “non hai norma máis fráxil que a que se fai con precipitación e contra a vontade todos”.

O pasado 29 de decembro de 2014, os conselleiros de Educación de Andalucía, Cataluña, Asturias e Canarias daban unha roda de prensa solicitando do ministerio de Educación aprazar un ano a implantación da LOMCE en Educación Secundartia Obrigatoria e no Bacharelato. E os argumentos non eran menores:

  • Os conselleiros non coñecían todavía -cinco días antes da publicación do BOE!- o texto do Real Decreto que, por certo, tampouco pasou, como é o obrigado cumprimento,  pola Conferencioa Sectorial de Educación.
  • Os prazos do ministerio obrigan ás comunidades autónomas a desenvolver os currículos de máis dun centenar de materias en menos de dous meses.
  • A imposibilidade de contar con libros de texto volverá a provocar o que aconteceu este curso en Primaria, onde moitas comunidades autónomas decidiron seguir cos mesmos libros de antes.
  • A formación do profesorado tampouco é un asunto que pareza preocupar no ministerio de Educación.
  • A financiación é todavía unha incógnita. As comunidades descoñecen, a día de hoxe, as cantidades que van recibir por parte dun ministerio que ademáis, cando as anuncia, ten o costume de cambiar as cifras alegremente.

A resposta que dende o ministerio de Wert déronlle á Conselleira de Asturias, Ana González, non pode ser máis cínica: “Se non ten tempo que copie os currículos de Ceuta e Melilla”. Igual de cínica que toda a política de Rajoy e Wert en materia educativa.

 

enmendamos os orzamentos do MEC e ratificámonos na decisión de derogar a LOMCE, lei coa que Rajoy pretende DEMOLER o sistema Educativo Público.-

Vídeo da miña intervención na Comisión de Presupostos  do Congreso defendendo as enmendas do Grupo Parlamentario Socialista aos orzamentos-2015 do Ministerio de Educación, Cultura e Deporte.

Quixera destacar da intervención a referencia a rotunda ratificación do Grupo Socialista na decisión de derogar a LOMCE, lei co a que o goberno de Rajoy e Wert pretenden a demolición do noso sistema educativo público, singularmente no que atinxe á súa EQUIDADE e a IGUALDADE de OPORTUNIDADES.

“a igualdade implica sempre despotismo” -Rajoy dixit- ergo… suprimir as becas fainos máis libres

Así comecei, no Congreso, a miña intervención na Comisión de Presupostos, na sesión correspondente ás enmendas ao orzamento do Ministerio de Educación, Deporte e Cultura.

rajoyfumador“A igualdade implica sempre despotismo”, Rajoy dixit

Esta frase está sacada do artigo que Mariano Rajoy publicou no xornal Faro de Vigo, o 24-07-1984, baixo o título: “A envexa igualitaria”.  Daquela, Rajoy ocupaba o posto de Presidente da Deputación Provincial de Pontevedra.

Que Wert, fiel a aquel que o nomeu, fixera unha lei, a LOMCE, e tres orzamentos que significan a DEMOLICIÓN da EQUIDADE e a IGUALDADE de OPORTUNIDADES do sistema educativo público é algo que a ninguén pode sorprendernos, amosando unha total coherencia coa ideoloxía do seu patrón.

A cita íntegra de Rajoy é a seguinte: “A igualdade implica sempre despotismo e a desigualdade é o froito da liberdade”. Meu compañeiro e portavoz de Cultura, José Andrés Torres Mora, estivo presto ao quite e, cando lle remitín o borrador da miña intervención para que lle dera un vistazo á sección de Cultura, envioume rápidamente o que non deixa de ser a conclusión lóxica da “ideoloxía mariana”:

  “A igualdade implica sempre despotismo, ergo… suprimir as becas fainos máis libres”

 

Thomas Piketty: “a educación é a gran panca contra as desigualdades”

ThomasPiketty

“A difusión da educación e a inversión no coñecemento son probablemente os mecanismos máis decisivos para a reducción de desigualdades”

Thomas Piketty, director de estudos da École des Hautes Etudes en Sciencies Sociales de París, é o autor do mái famoso libro de análise histórico- económico dende o inicio da crise: “Le capital au XXI siècle”.

O libro, que aínda non ten traducción ao castelán, ten revolucionado ao mundo da economía e ocupado amplos espazos nas publicacións desta área. A preocupación pola desigualdade é un punto central do traballo de Piketty.

Non son especialista na materia, nin pretendo parecelo, pero sí quixera reseñar o papel crucial que lle concede Piketty á educación. E creo que pode quedar ben recollido nesta breve entrega.

O profesor Thomas Piketty, na entrevista que publicaba recentemente o xornal EL PAÍS, deixaba esta tremenda frase coa que non podo estar máis dacordo. Nos destacados da páxina, entendo que é o periodista quen resume a mesma coas verbas que serven de título a esta entrega:

“A inversión en educación é a gran panca contra as desigualdades”

Entendo que sobran comentarios. Deixo o enlace á entrevista:

Entrevista a Thomas Piketty (EL PAÍS, 18/10/2014)

Páxina 1 de 4812345...102030...Última »